धुळे जिल्हयातील साक्री तालुक्यात पांझरा नदीला मोठ्या प्रमाणात पूर आलेला असताना अशा परिस्थितीमध्ये नांदवड-बेहेड फरशी पुलावरून दुचाकी नेण दुचाकी धारकाला चांगलंच महागात पडलं असतं, परंतु परिसरातील नागरिकांनी धाव घेत बचाव कार्य केल्यामुळे वाहून जाणारी दुचाकी व त्यावरील दुचाकी धारक सुदैवाने बचावला आहे. नांदवड-बेहेड गावांना जोडणाऱ्या फरशी पुलावरून मोठ्या प्रमाणात पाण्याचा प्रवाह सुरू आहे, आणि अशा परिस्थितीमध्ये नागरिकांनी पुराच्या पाण्यामधून फरशी पुलावरून प्रवास करू नये असे आवाहन प्रशासनातर्फे करण्यात आले असताना, याकडे सर्रासपणे दुर्लक्ष करत पुराच्या पाण्यामधून प्रवास करणे या दुचाकी धारकाच्या जीवावर बेतले होते, परंतु सुदैवाने परिसरातील नागरिकांनी प्रसंगावधान राखत बचाव कार्य करत या दुचाकी धारकाला वाचविले आहे.