बिहार निवडणुकीमध्ये भाजपप्राणित एनडीएला अभूतपूर्व यश मिळल्यानंतर आता राज्यातील स्थानिक निवडणुकीपूर्वीच राजकारण तापले आहे. काही दिवसांपूर्वी दादर येथील छत्रपती शिवाजी पार्क परिसरात ठाकरेंचा सेवक तोच मुंबईचा नगरसेवक अशा आशयाचे बॅनर लागले होते. मात्र ते नंतर राज ठाकरे यांच्या सुचनेनंतर काढण्यात आले. आता बिहार निकालानंतर पुन्हा एकदा दादर परिसरात पोस्टरबाजी दिसून आली. आता हे पोस्टर भाजपकडून लावण्यात आले आहे. या बॅनरवर परिवाराचा नाही तर मुंबईचा सेवक तोच नगरसेवक असा आशय लिहून भाजपने थेट मनसे आणि ठाकरे गटाला डिवचले आहे. या बॅनरमुळे मुंबई महानगरपालिका निवडणुकीच्या पार्श्वभूमीवर भाजप आणि ठाकरे गटातील वाद अधिक पेटण्याची चिन्हे दिसत आहे.