Ladki Bahin beneficiary list update : 'मुख्यमंत्री लाडकी बहीण योजने'च्या लाभार्थ्यांसाठी एक मोठी बातमी समोर आली आहे. प्राप्तिकर विभागाचा सविस्तर अहवाल राज्य सरकारला प्राप्त झाला असून, आता लाभार्थ्यांच्या पात्रतेची कडक पडताळणी केली जाणार आहे. या अहवालामुळे अनेक अपात्र महिलांची नावे योजनेतून कमी होण्याची शक्यता आहे. विशेषतः वार्षिक उत्पन्नाच्या निकषात बसत नसलेल्या लाभार्थ्यांवर आता सरकारकडून कात्री लावली जाईल. जिल्हा परिषद निवडणुका संपल्यानंतर या अहवालाची अंमलबजावणी होऊन लाभार्थी संख्या घटण्याची दाट चिन्हे आहेत.(Ladki Bahin Yojana beneficiary list to be reduced after ZP elections)

राज्यातील लाडक्या बहिणींना ३१ डिसेंबरपर्यंत ईकेवायसी करण्याची मुदत सरकारकडून देणयात आली होती. आता लाडक्या बहि‍णींची पडताळणी केली जात आहे. अपात्र लाडक्या बहि‍णींचे नाव योजनेतून वगळण्यात येणार आहे, अशी माहिती सूत्रांनी दिली आहे. जिल्हा परिषद निवडणुकीनंतरच याबाबतचा निर्णय घेतला जाईल, असे सांगण्यात येत आहे.