गडचिरोली पोलीसांनी बुधवारी दुपारच्या सुमारास छत्तीसगढ सीमेवर मोठी कारवाई केली आहे. गडचिरोली पोलीसांच्या 200 सी-60 जवानांनी बुधवारी मुसळधार पावसात वांडोलीच्या घनदाट जंगलात 12 नक्षलवाद्यांचा खात्मा केला.या चकमकीत नक्षल कॅडरचे मोठे नेते ठार झाले आहेत. यामध्ये 7 पुरुष आणि 5 महिला नक्षलवाद्यांचा समावेश असल्याची माहिती समोर येत आहे. या नक्षलवाद्यांवर ३०० हुन अधिक गुन्हे होते त्यामुळे त्यांच्यावर ८६ लाखांचे बक्षीस होते. पोलिसांच्या सी-60 च्या 7 तुकड्यांचे जवळपास 200 जवानांनी अभियान राबवत नक्षलवाद्यांचा खात्मा केला आहे. यासंदर्भात जिल्हा पोलीस अधीक्षक निलोत्पल यांनी प्रतिक्रिया दिली आहे.