इराण-इस्त्रायल युद्धाचा पुन्हा एकदा सर्वसामान्यांना झटका बसला आहे. पेट्रोल-डिझेलच्या दरात वाढ झाली असताना घरगुती गॅस सिलिंडरबाबतही केंद्राने मोठा निर्णय घेतला आहे. युद्धाच्या पार्श्वभूमीवर केंद्र सरकारने घरगुती गॅस सिलिंडरच्या वितरणात महत्त्वाचा बदल करण्याचं ठरवलं आहे. आता नागरिकांना घरगुती गॅस सिलिंडर अर्ध्याच वजनाचा मिळण्याची शक्यता आहे. घरगुती गॅस सिलिंडर हा १४.२ किलोच्या प्रमाणात नागरिकांना देण्यात येतो. मात्र, घरगुती वापराचा गॅस ८ ते १० किलोच्या प्रमाणात दिले जाण्याची शक्यता आहे. सिलिंडरमध्ये गॅस ८ ते १० किलोच्या प्रमाणात भरण्याचे आदेश गॅस कंपन्यांना देण्यात आल्याची माहिती हाती आली आहे.