कोकण रेल्वे एकेरी मार्गाची असल्यामुळे रेल्वेगाड्या वेळेत धावण्यात अडथळा येतोय. परिणामी प्रवास विलंबाने होतो, त्यामुळे कोकणवासीयांचा प्रवास वेगवान व्हावा, त्यांना अतिरिक्त सेवा उपलब्ध व्हावी यासाठी कोकण रेल्वे प्रशासनाने टप्पा दुहेरीकरण म्हणजेच पॅच डब्लिंग करण्यावर भर दिला आहे.

टप्प्या दुहेरीकरण झाल्यास रेल्वेगाड्यांची संख्या दुप्पट होणा आहे. त्यामुळे आता प्रवास सोयीचा आणि सुखकर होईल, असा आशावाद व्यक्त होत आहे. या कामासाठी ५,१०० कोटींचा खर्च येण्याची शक्यता आहे. दरम्यान, कोकण रेल्वे मार्गावरील ११ स्थानंकांचा विकास केला जाणार आहे. त्यासाठी सार्वजिनक बांधकाम विभागाने ९९ कोटी रुपये खर्च केले आहेत.