भूषण गवई यांनी देशाचे 52 वे सरन्यायाधीश म्हणून शपथ घेतल्यानंतर पहिलाच निकाल देत भाजपचे खासदार आणि माजी मुख्यमंत्री नारायण राणे यांना दणका दिला आहे. नारायण राणे यांना झटका देत सर न्यायाधीशांनी 30 वर्षांपूर्वीच्या खटल्यात महत्वाचे निर्देश दिले आहे. 1998 साली नारायण राणे हे राज्याचे महसूल मंत्री होते.

त्यावेळी त्यांनी 30 एकर जमीन बिल्डरला देण्याचा निर्णय घेतला होता. मात्र आज सरन्यायाधीश भूषण गवई यांनी नारायण राणेंना झटका देत पुन्हा ती जागा वनविभागाला देण्याचे निर्देश दिले आहे. तसेच 30 एकर जागा बिल्डरला देण्याचा निर्णय म्हणजे राजकारणी, प्रशासकीय अधिकारी खासगी बिल्डरसोबत कसे काम करतात याचं ढळढळीत उदाहरण असल्याच निर्णय देताना सरन्यायाधीश भूषण गवई यांनी म्हटले आहे.