भंडा-यात पहाटेपासून ढगांचा गडगडाट आणि विजांच्या कडकडाटासह मुसळधार पावसानं जोरदार हजेरी लावली.पहाटे सुमारे दोन तास पावसानं अक्षरश: धुमाकुळ घातला. शहरातील अनेक ठिकाणी पाणी साचल्याने वाहतुकीवर परिणाम झाला आहे. शहरातील शास्त्री चौक जलमय झाला असून नागरिकांना मोठ्या अडचणींना सामोर जावं लागत आहे. महिला समाज शाळा परिसरात पावसाचं पाणी शिरलं आहे. यामुळे या शाळेला सध्या तलावाचं स्वरूप आलं आहे. शाळेत शिकणा-या विद्यार्थ्यांना आत बाहेर जाण्यासाठी तारेवरची कसरत करावी लागत आहे. हवामान विभागाने पुढील काही तासांत आणखी पावसाचा इशारा दिला असून प्रशासनाने नागरिकांना सतर्क राहण्याचे आवाहन केले आहे.