Bhandara Boat Accident: मुख्यमंत्र्यांच्या हस्ते आज भंडाऱ्यात जलपर्यटन प्रकल्पाच्या पहिल्या टप्प्याचं भूमिपूजन पार पडतंय. याठिकाणी एक मोठी घटना घडलीये. भंडारा मधील वैनगंगा नदीवर मिडीयाला घेऊन जाणारी बोट तुटलीये. त्यामुळे सगळीकडे धावपळ सुरू झालीये. अखेर बचाव पथक वेळेवर पोहचल्याने मोठा अनर्थ टळला असल्याची माहिती आहे. याशिवाय इथे अजून एक घटना घडलीये भंडारा मुख्यमंत्री यांच्या कार्यक्रमात गोसेखुर्द प्रकल्प बाधित दोन इसमांनी कार्यक्रम स्थळी गोंधळ घातला. मुख्यमंत्री मुर्दाबाद, असे नारे लावले. गोसेखुर्द बाधित लोकांचे पुनर्वसनाचे प्रश्न अजूनही सुटले नाही. त्यासाठी नागरिकांनी मुख्यमंत्री यांचा निषेध करत नारे लावले आहे. गोंधळ घालणाऱ्या इसमाला पोलिसांनी ताब्यात घेतले आहे.