देहू नगरीतून संत तुकोबांच्या पालखीचं प्रस्थान होत आहे. त्यासाठी जय्यत तयारी करण्यात आली असून सकाळपासून दर्शन रांगेत भाविकांची मोठी गर्दी पाहायला मिळते आहे. विठू नामाचा जयघोष आणि भजन म्हणत वारकरी दर्शन रांगेत सहभागी झाले.

देहू नगरीत तुकोबांच्या पालखी प्रस्थान सोहळ्याची लगबग सुरु असून वारकऱ्यांमध्ये आनंद आणि उत्साहाचं वातावरण आहे. भजन आणि विठुरायाच्या जयघोषात वारकऱ्यांनी फुगडी खेळत आनंद लुटला. मोठं गोल रिंगण करत ही फुगडी खेळताना वारकरी दिसले. तसेच यावेळी वारकऱ्यांनी इंद्रायणी काठी स्नान देखील केले. इंद्रायणी तीरावर कुठलाही अनुचित प्रकार घडू नये म्हणून आपत्ती व्यवस्थापनेच्या दोन टीम तैनात करण्यात आल्या आहेत.