Beed Wadwani bandh over Phaltan doctor death फलटणमधील डॉक्टर प्रकरणासंदर्भात आता महत्त्वाची अपडेट समोर आली. महिला डॉक्टरचं मूळ गाव वडवणी आज बंद ठेवण्यात येणार आहे. आरोपींना फाशीची शिक्षा व्हावी या मागणीसाठी आज कडकडीत बंदची हाक देण्यात आलीय. आपल्या मुलीनं टोकाचं पाऊल नाही तर हत्या झाल्याचा आरोप कुटुंबानं केलाय. तसंच पुरावे नष्ट करून आरोपी सरेंडर झाल्याचा आरोप होतोय. आता या प्रकरणाची SITमार्फत चौकशी करण्याची मागणीही करण्यात येतेय.

सातारा जिल्ह्यातील फलटण येथील उपजिल्हा रुग्णालयातील डॉक्टर महिलेने हातावरती सुसाईड नोट लिहीत आत्महत्या केली. या प्रकरणामध्ये आता नवनवीन खुलासे समोर येत आहेत. ही आत्महत्या नसून हत्याच आहे, असा आरोप कुटुंबियांनी केला आहे. या प्रकरणाची एसआयटीमार्फत चौकशी करण्यात यावी अशी मागणी नातेवाईक करत आहेत. याच पार्श्वभूमीवरती आज बीडच्या वडवणी मध्ये भव्य मोर्चा व रस्ता रोकोच्या आंदोलन वडवणी करांनी केली आहे. या मोर्चामधून एसटीची स्थापना करण्यात यावी माजी न्यायमूर्ती यांच्या अध्यक्षतेखाली या प्रकरणाची चौकशी करण्यात यावी. त्याचबरोबर एसआयटीमध्ये महिला आयपीएस अधिकाऱ्याची नेमणूक करण्यात यावी अशी मागणी या मोर्चा मधून करण्यात येणार आहे.