बीड जिल्ह्यात धनंजय नागरगोजे या शिक्षकाने 18 वर्षे पगार मिळाला नाही म्हणून स्वतःचे जीवन संपवले. कृष्णा अर्बन को ऑपरेटीव्ह बँक लिमिटेडच्या शाखेसमोरच नागरगोजे यांनी फाशी घेतली. 18 वर्षे शाळेत काम करूनही वेतन मिळत नसल्याने या शिक्षकाने आत्महत्या केल्याची मन सुन्न करणारी घटना काही दिवसापूर्वी घडली होती. आत्महत्येआधी नागरगोजे यांनी पत्र लिहून आपल्या मुलीची माफी मागितली होती. या पत्रात त्यांनी आत्महत्या कोणामुळे केली त्या लोकांची नावे घेतली होती. विक्रम बाबुराव मुंडे, विजय विक्रम मुंडे, अतुल विक्रम मुंडे आणि गोविंद आव्हाड या लोकांची नावे त्यांनी पत्रात नमूद केले आहे. मात्र अद्यापही या लोकांना पोलिसांनी अटक का केली नाही हा प्रश्न कायम आहे.