Beed parali News : बीडच्या परळीमध्ये संतापजनक प्रकार समोर आला आहे. वैद्यनाथ मंदिराच्या परिसरातच मांसाहारी अन्न शिजवल्याची धक्कादायक घटना समोर आली आहे. बांधकामासाठी मुक्कामी असलेल्या कामगारांनी मांसाहारी अन्न शिजवल्याचा संतापजनक प्रकार समोर आला आहे. या घटनेनंतर भाविकांमधून संताप व्यक्त केला जातोय.

परळी येथील प्रभू वैद्यनाथ मंदिर परिसरात विकास कामे सुरू आहेत. या ठिकाणी बांधकामावर असलेल्या कामगारांनी याच परिसरात मांसाहारी जेवण बनवले असल्याचे समोर आले.. या परिसरातील काही भाविकांना हा प्रकार लक्षात आल्यानंतर त्यांनी त्या ठिकाणी जात याचा व्हिडिओ देखील चित्रित केला, असून आता हा व्हिडिओ व्हायरल झाल्यानंतर संताप व्यक्त केला जात आहे. या प्रकरणात कारवाई करावी व यापुढे असे प्रकार होणार नाहीत अशी दक्षता घेण्याची मागणी आता भाविकांमधून केली जात आहे.