बीड जिल्हा कारागृहामध्ये आज वाल्मीक कराड आणि महादेव गीते यांच्यामध्ये मोठा वाद होऊन एकमेकांना मारहाण घडल्याची घटना घडली. यानंतर गीते गँगचा मास्टरमाइंड बबन गीते याने फेसबुक वर एक पोस्ट केली. ती सध्या चर्चेचा विषय बनली आहे त्यांनी पोस्ट करत म्हटले की, 'अंदर मारना या मरना सब कुछ माफ है' या पोस्ट नंतर अनेक चर्चांना उधाण आलं यावरच भाजपचे आमदार सुरेश धस यांनी प्रतिक्रिया दिली. वाल्मीक कराड विरुद्ध बबन गीते अशा परळीतल्या टोळी युद्धाचा हा परिणाम आहे. वाल्मीक कराड आधी म्हणायचे की याला संपवल्याशिवाय मी चप्पल घालणार नाही, तर गीते म्हणायचे की कराडला संपवल्याशिवाय मी दाढी करणार नाही. कारागृहातील सुरक्षा आणि बीड पोलीस यावर चारच तासांचा सिनेमा निघेल मी तिथे जाऊन पोलिसांशी बोलून जास्त माहिती देतो असे सुरेश धस यांनी सांगितले.