Manoj Jarange Bee Attack jalna News : मराठा आंदोलक मनोज जरांगे पाटील यांच्या बैठकीत अचानक मधमाशांना हल्ला केल्याची घटना आज घडली. आज दुपारी अंतरवाली सराटीमध्ये मनोज जरांगे पाटील यांनी बैठक बोलवली होती. बैठक सुरु होती, त्यावेळी अचानक मधमाशांनी हल्ला केला. त्यामुळे काही वेळासाठी बैठकीत गोंधळाचं वातावरण झाले होते. याबाबतचे व्हिडिओ समोर आले आहे. या बैठकीत आलेल्या अनेकांना मधमाशांचा चावा घेतल्याचेही समोर आले आहे.

मनोज जरांगेंना तात्काळ समन्वयकांनी बाहेर काढले. बैठकीच्या ठिकाणी गोंधळाचे वातावरण निर्माण झाले होते.

मराठवाड्यातील निवडक समन्वयकांची बैठक त्यांनी बोलावली होती, आज त्यांच्याशी चर्चा करणार होते. पण या बैठकीत काही वेळासाठी मधमाशांनी हल्ला केल्यामुळे गोंधळ उडाला.