BCCI Indian Women's : भारतीय क्रिकेट नियामक मंडळाने (BCCI) विश्वविजेत्या भारतीय महिला संघावर बक्षिसांचा वर्षाव केला आहे. विश्वचषक जिंकल्याबद्दल बीसीसीआयने हरमनप्रीत कौरच्या नेतृत्वाखालील संघाला ५१ कोटी रुपयांचे भव्य बक्षीस जाहीर केले आहे. 'या विजयामुळे हरमनप्रीत कौर आता कपिल देव आणि महेंद्रसिंग धोनी यांच्या पंक्तीत जाऊन बसली आहे.' १९८३ मध्ये कपिल देव आणि २०११ मध्ये महेंद्रसिंग धोनी यांच्यानंतर विश्वचषक जिंकणारी हरमनप्रीत ही तिसरी भारतीय कर्णधार ठरली आहे. भारतीय महिला संघाने प्रथमच विश्वचषक जिंकून इतिहास रचला, त्यामुळे बीसीसीआयकडून खेळाडू, प्रशिक्षक आणि सपोर्ट स्टाफसाठी ही मोठी रक्कम जाहीर करण्यात आली आहे. हा विजय भारतीय महिला क्रिकेटमधील एका नव्या युगाची सुरुवात मानला जात आहे.