बार्शीचे अपक्ष आमदार राजेंद्र राऊत हे आगामी विधानसभा निवडणूक भाजपच्या तिकिटावर लढणार असल्याची घोषणा त्यांनी केली आहे. महायुतीचं जागा वाटप होण्याअगोदरच राजेंद्र राऊत यांनी बार्शी विधानसभेवर दावा केला आहे.

आगामी विधानसभा निवडणुकीसाठी उमेदवारी मिळवायला इच्छुकांची भाऊ गर्दी झालेली असतानाच आता बार्शी मतदारसंघाचे आमदार राजेंद्र राऊत यांनी भाजपच्या तिकिटावर निवडणूक लढणार असल्याचं जाहीर केलं आहे. भाजप, महायुतीच्या जागावाटपाची आणि उमेदवारांची यादी अद्याप घोषित होणं बाकी आहे. असं असतानाच राऊत यांनी आधीच बार्शी मतदारसंघावर दावा सांगितला आहे. बार्शीला मिळालेल्या भरघोस निधीमुळे त्यांनी हा निर्णय घेतला असल्याचं म्हंटलं आहे. या संदर्भातील माहिती त्यांनी पत्रकार परिषदेतून दिली आहे.