राज्याचे दिवंगत उपमुख्यमंत्री अजित पवार यांच्या निधनानंतर बारामतीत होत असलेल्या पोटनिवडणुकीचा प्रचार आता अंतिम टप्प्यात पोहोचलाय. गेल्या काही दिवसांपासून सुनेत्रा पवार यांच्यासह पवार कुटुंबीयांनी बारामती पिंजून काढल्यानंतर आता सुनेत्रा पवारांच्या प्रचारासाठीची सांगता सभा पार पडत असून महायुतीच्या नेत्यांसाह शरद पवार गटाचे अनेक दिग्गज नेते उपस्थित आहे. यावेळी मंत्री छगन भुजबळ यांचे भाषण सुरू असतानाच त्या ठिकाणी खासदार सुप्रिया सुळे यांची स्टेजवर एंट्री झाली आणि भुजबळांनी भाषण थांबवले. सुप्रिया सुळे येताच स्टेजवरच्या सगळ्या नेत्यांनी त्यांना उठून नमस्कार केले आणि त्यांनी सर्वांना अभिवादन करत कार्यकर्त्यांचे आभार मानले.