ठाकरे गटाचे प्रमुख उद्धव ठाकरे यांचा मुख्यमंत्री असा उल्लेख असलेले बॅनर सांगलीत लागले आहेत. आज उद्धव ठाकरे यांचा 64 वा वाढदिवस आहे. त्या अनुशंगाने चंद्रहार पाटील यांनी ही बॅनरबाजी केली आहे. तर दुसरीकडे साहेब पुन्हा मुख्यमंत्री बनवायचं महाराष्ट्रातील शिवसैनिकांचा ध्यास आहे. असा आशय लिहिलेल्या केकच्या माध्यमातून शिवसैनिकांनी उद्धव ठाकरे यांना वाढदिवसाच्या शुभेच्छा दिल्या आहेत. यावर ठाकरे गटाचे खासदार संजय राऊत यांनी प्रतिक्रिया दिली आहे. पोस्टर किंवा बॅनर लावायला आम्ही सांगत नाही, ती भावना असून लोक अशा पद्धतीने व्यक्त करतात, असं राऊत म्हणाले. उद्धव ठाकरे यांनी संकट काळात राज्याचे जे नेतृत्व केले ते लोकांना मान्य आहे. राज्य आणि देश संकटात असताना ठाकरे यांनी ज्या पद्धतीने रक्षण केलं ते लोक विसरले नसून उद्धव ठाकरे एक आश्वासक चेहरा असल्याचंही संजय राऊत यांनी म्हटलं आहे.