गेल्या काही दिवसांपासून वाल्मीक कराडचा जुना सहकारी बाळा बांगर हा अनेक खुलासे करत असून आता त्याने एक गंभीर दावा केला आहे. काल बांगर यांच्या पत्नीची वाल्मीक कराडसोबत बोलतानाची ऑडिओ क्लिप व्हायरल केली होती. यामध्ये बांगरची पत्नी त्याच्या विरोधात वाल्मीक कराडकडे तक्रार करत होती. आता यावर बाळा बांगर म्हणाला, आता ऑडिओ क्लिप बाहेर काढायचे खेळ सुरू झाले आहे. माझे काय कोणत्या महिलेशी बाहेर संबध नाहीये, आणि ते सिद्ध करून दाखवा बाळा बांगर भारत देश सोडून जाईल नाही तर जीव देईल. तसेच 2025 पर्यंत धनंजय मुंडे यांना संपवून वाल्मीक कराडला परळीचा आमदार व्हायचे होते आणि मंत्रीपदाची शपथ घ्यायची होती असा धक्कादायक खुलासा बाळा बंगार यांनी केला.