माजी मंत्री बच्चू कडू यांनी माणिकराव कोकाटे यांच्याकडे दिलेल्या क्रीडा खात्याच्या पार्श्वभूमीवर त्यांच्यावर जोरदार फटकेबाजी केली. विधानभवनात कोकाटे रमी गेम खेळताना दिसल्याचा व्हिडिओ सोशल मीडियावर व्हायरल झाल्यानंतर सर्वत्र त्यांच्या टीकेची झोड उठली होती. याच पार्श्वभूमीवर सरकारने त्यांच्याकडील क्रीडा खाते काढून ते दत्ता भरणे यांच्याकडे सोपवले. बच्चू कडू म्हणाले, रमी हा गेम क्रीडा क्षेत्रात आणू नका. हा गेम जर शासकीय पातळीवर मान्यता पावला तर मोठा प्रॉब्लेम होईल. कोकाटे यांनी आता तरी मेहरबानी करून रमी खेळणे बंद करावे, एवढीच अपेक्षा आहे. लाखो शेतकरी, मजूर या गेममुळे आर्थिक संकटात सापडले आहेत. त्यामुळे कोकाटे यांनी पुढाकार घेत हा गेम थांबवायला हवा.अशी टोलेबाजी कडू यांनी केली.