जालना जिल्ह्यातील परतूर विधानसभेच्या जागेवरून महायुतीमध्ये मिठाचा खडा पडण्याची शक्यता आहे. जालन्यातील परतूर विधानसभेच्या जागेवर महायुतीत शिवसेनेन दावा केला आहे. ही जागा शिवसेनेला सोडावी अशी मागणी जिल्हाप्रमुख मोहन अग्रवाल यांनी मुख्यमंत्र्याकडे केलीय. परतूरमधून सध्या भाजपचे बबनराव लोणीकर ही अंदर आहेत. त्यामुळे आता परतूर विधानसभेच्या जागेवरून महायुतीत रस्सीखेच आल्याचे पाहायला मिळतेय. शिवसेना जिल्हाप्रमुख मोहन अग्रवाल यांनी केलेल्या मागणीमुळे आता आमदार लोणीकर यांच्या अडचणी वाढण्याची शक्यता नाकारता येत नाही.

शिवसेनेला निवडून येण्यासाठी परतूर मतदारसंघ सोयीस्कर असल्याने ही जागा महायुतीने शिवसेनेला द्यावी. आम्ही लवकरच यासंदर्भात महायुतीच्या नेत्यांची आणि मुख्यमंत्री एकनाथ शिंदे यांची भेट घेणार असल्याचे शिवसेना जिल्हाप्रमुख मोहन अग्रवाल यांनी यावेळी बोलताना सांगितले आहे.