भोंदू अशोक खरातची आलिशान कार ईडीकडून जप्त केली जाण्याची शक्यता आहे. तसेच त्याच्या अन्य मालमत्ता देखील जप्त केल्या जाऊ शकतात. या कारची किंमत ८० लाख ते १ कोटीच्या घरात असल्याचे सांगण्यात येत आहे. पुण्याच्या एका भक्ताला गंडा घालून खरातने ही कार घेतल्याचे सांगण्यात येत आहे. संबंधित भक्तानेच यासंदर्भात तक्रार केली होती.

अशोक खरातच्या निवासस्थानी ईडीच्या अधिकाऱ्यांकडून झडती सुरू आहे. पहाटेपासूनच झाडाझडती सुरू होती. खरातने बेनामी संपत्ती जमवली असून, आर्थिक गैरव्यवहार प्रकरणीही ईडीकडून सखोल तपास सुरू आहे. नाशिकच्या निवासस्थानी ईडी आणि प्राप्तीकर विभागाने संयुक्त कारवाई केली आहे. सोमवारी सकाळी सहा वाजल्यापासूनच खरातचे नाशिकमधील घर, ईशान्येश्वर मंदिर यांसह ११ ठिकाणी ईडीकडून झाडाझडती सुरू होती. खरातच्या नाशिकच्या निवासस्थानी सात अधिकाऱ्यांच्या पथकाकडून झडती सुरू असल्याचे सांगण्यात येत आहे.