नाशिकचा भोंदुबाबा अशोक खरात महिलांवर अत्याचार केल्याप्रकरणी पोलिस कोठडीत आहे. पोलिस कोठडीतही खरातनं त्याची भोंदूगिरी बंद केली नसल्याची माहिती समोर आली आहे. जेलमधील पोलिसांनाही त्यानं भविष्य सांगण्यास सुरुवात केली. चौकशीची दिशाभूल करत सहानुभूती मिळवण्यासाठी अशोक खरातनं ही रणनिती आखल्याची माहिती विश्वासनीय सूत्रांनी दिली आहे. मात्र पोलिसांनी कायद्यासमोर कुणीही मोठं नाही असा थेट इशारा दिला आहे.

भोंदूबाबा अशोक खरातला नाशिक पोलिसांनी ताब्यात घेतलं. खरातला एसआयटी टीमकडून नाशिक पोलिसांनी चौकशीसाठी ताब्यात घेतलं. गरोदर महिलेवर लैंगिक अत्याचार प्रकरणी सरकारवाडा पोलिस ठाण्यात आज त्याच्याविरोधात गुन्हा दाखल करण्यात आला. हा दुसरा गुन्हा असून या गुन्ह्याची चौकशी करण्यासाठी नाशिक पोलिसांनी त्याला ताब्यात घेतलं. नाशिकच्या क्राइम ब्रँच युनिट १ मध्ये चौकशीसाठी खरातला आणण्यात आले आहे.