आज देहु नगरीतून जगद्गुरू संत तुकाराम महाराजांच्या पालखीचा उत्साहात प्रस्थान ठेवला आहे, तर उद्या संतश्रेष्ठ ज्ञानेश्वर माउलींची पालखी आळंदीतून पंढरपूरच्या दिशेने प्रस्थान करणार आहे. या निमित्ताने आळंदी नगरीत भक्तिरसाचं उधाण आलं असून, लाखोंच्या संख्येने वारकरी इंद्रायणीच्या तीरावर एकवटलेत हातात भगवी पताका, डोक्यावर तुळशी वृंदावन आणि ओठांवर ज्ञानोबा माऊली तुकाराम’चा गजर घेत हे वारकरी पंढरपूरच्या वाटेवर सज्ज झाले आहेत. भावभक्तीनं न्हालेलं हे चित्र संपूर्ण महाराष्ट्राला स्फूर्ती देतंय, आणि वारकरी संप्रदायाची हजारो वर्षांची परंपरा पुन्हा एकदा पंढरपूरच्या दिशेने जोशात मार्गस्थ होत आहे.