वक्फ कायद्याच्या विरोधात परभणी जिल्ह्यात २७ एप्रिल रोजी ऑल इंडिया मुस्लिम पर्सनल लॉ बोर्ड तर्फे आयोजित करण्यात आलेल्या अधिवेशनात एआयएमआयएमचे प्रमुख असदुद्दीन ओवैसी यांनी जोरदार भाषण करत केंद्र सरकार आणि विरोधी पक्षांवर टीकास्त्र सोडले.

ओवैसी यांनी आपल्या भाषणात वक्फ कायद्याला काळा कायदा असे संबोधून केंद्रातील मोदी सरकारने तो तात्काळ मागे घ्यावा, अशी मागणी केली. आज जर तुम्ही बोललात नाही, तर उद्या नुकसान तुमचंच होईल, असे म्हणत त्यांनी वक्फ बोर्डाचे अधिकार कमी करण्याला मुस्लीम विरोधी कट कारस्थान म्हणून हल्ला चढवला.

ओवैसी यांनी मुस्लिम समाजाला एकत्र येण्याचे आवाहन करत म्हटले की, उद्धव ठाकरे आणि राज ठाकरे हे भाऊ एकत्र येऊ शकतात, तर मुस्लिम समाज एकत्र का येऊ शकत नाही? असेही ते म्हणाले.