ARVIND KEJRIWAL REFUSES COURT APPEARANCE IN DELHI LIQUOR POLICY CASE VIDEO दिल्लीचे माजी मुख्यमंत्री आणि आम आदमी पक्षाचे राष्ट्रीय संयोजक अरविंद केजरीवाल यांनी दिल्ली मद्य धोरण प्रकरणात मोठा निर्णय घेतला आहे. कनिष्ठ न्यायालयाने दिलेल्या निर्दोष मुक्ततेच्या निर्णयाविरोधात तपास यंत्रणेने दिल्ली उच्च न्यायालयात आव्हान दिल्यानंतर, या प्रकरणाची सुनावणी न्यायमूर्ती स्वर्ण कांता शर्मा यांच्या खंडपीठासमोर होणार आहे. मात्र, केजरीवाल यांनी या न्यायमूर्तींसमोर हजर राहण्यास नकार दिला आहे.

केजरीवाल यांनी न्यायमूर्ती स्वर्ण कांता शर्मा यांना पत्र लिहून स्पष्ट केले की, ते स्वतः किंवा वकिलामार्फतही त्यांच्या समोर उपस्थित राहणार नसल्याचे म्हटले आहे. न्याय मिळण्याची अपेक्षा उरलेली नसल्याचे सांगत त्यांनी महात्मा गांधींच्या सत्याग्रहाच्या मार्गाचा अवलंब करण्याचा निर्णय घेतल्याचेही नमूद केले आहे.

तसेच, आवश्यक असल्यास सर्वोच्च न्यायालयात जाण्याचा अधिकार ते राखून असल्याचे त्यांनी स्पष्ट केले. या पार्श्वभूमीवर केजरीवाल यांच्या भूमिकेमुळे या प्रकरणाला नवे वळण मिळाले असून पुढील सुनावणी आणि न्यायालयीन प्रक्रियेवर याचा काय परिणाम होणार, याकडे सर्वांचे लक्ष लागले आहे.