Sakshi Sunil Jadhav
चहा- कॉफीमध्ये नैसर्गिकरित्या टॅनिन आणि पॉलीफेनॉल्स असतात. हे घटक शरीरासाठी फायदेशीर असली तरी त्यांचे सेवन चुकीच्या वेळी केल्याने आयर्नच्या शोषणावर परिणाम होऊ शकतो.
जेवण झाल्यानंतर लगेच चहा किंवा कॉफी घेतल्यावर अन्नातल्या नॉन -हीम आयर्न शरीरात शोषलं जाण्याचं प्रमाण कमी होऊ शकतं.
डाळी, राजमा, चणा, सोयाबीन, पालक, मेथी आणि संपूर्ण धान्यांमधून मिळणारे नॉन-हीम आयर्न शोषलं जाणं महत्त्वाचं असतं. त्यामुळे चहाची वेळ लक्षात ठेवा.
जेवणानंतर लगेच चहा किंवा कॉफी पिण्याची सवय असेल तर काही व्यक्तींमध्ये आयर्नच्या कमतरतेचा धोका वाढू शकतो.
अॅनिमिया असलेले रुग्ण, गर्भवती महिला, किशोरवयीन मुली, लहान मुलं, जास्त मासिक पाळीचा त्रास असलेल्या महिला आणि पूर्णपणे शाकाहारी आहार घेणाऱ्या व्यक्तींनी जास्त काळजी घ्यावी.
आधीपासून अॅसिडिटी, गॅस किंवा छातीत जळजळ होत असेल, तर जेवणानंतर लगेच कॉफी घेतल्याने काही लोकांमध्ये अॅसिड रिफ्लक्स, अपचन किंवा पोट फुगण्याचा त्रास वाढू शकतो.
चहा किंवा कॉफी पूर्णपणे सोडण्याची गरज नाही. मात्र त्याचे प्रमाण मर्यादित ठेवून योग्य वेळी सेवन करणं अधिक योग्य ठरू शकते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं कुठलेही समर्थन अथवा दावा करत नाही.