ठाण्यात उद्धव ठाकरे यांच्या मेळाव्यादरम्यान मनसे कार्यकर्त्यांनी जोरदार राडा केला. याआधी मनसे अध्यक्ष राज ठाकरे यांच्या दौऱ्यादरम्यान गाडी अडवत ठाकरे गटाच्या कार्यकर्त्यांनी आंदोलन केलं होतं. त्यावर आता अ‍ॅक्शनला रिअ‍ॅक्शन पाहायला मिळाली. ठाण्यात झालेल्या राड्याचं संदीप देशपांडे यांनी समर्थन केलं आहे. ठाण्यातील राडा हा क्रियेला प्रतिक्रिया होती असं विधान संदीप देशपांडे यांनी केलं. तर संजय राऊत यांनी काळोखात हल्ला केल्याने तुम्ही वाचलात, मर्द असता तर समोरुन हल्ला केला असता अशा शब्दात मनसेवर पलटवार केला आहे.