गेल्या काही वर्षांपासून महाराष्ट्रात रस्त्यांचे जाळे झपाट्याने विस्तारत असून राज्यातील लांबच्या भागांना एकमेकांशी जोडणारे महत्त्वाचे प्रकल्प साकार होत आहेत. त्यातच नागपूर ते मुंबई या दरम्यानचा समृद्धी महामार्ग आता सुरू झाला असून या भव्य प्रकल्पामागे MSRDC (महाराष्ट्र राज्य रस्ते विकास महामंडळ) ची महत्वाची भूमिका राहिली आहे.

या महामार्गाच्या उभारणीसाठी अनेक अडथळे आणि आव्हानांचा सामना करावा लागला. मात्र MSRDC चे व्यवस्थापकीय संचालक अनिलकुमार गायकवाड यांच्या नेतृत्वाखाली या सर्व अडचणींवर मात करत हा प्रकल्प यशस्वी करण्यात आला.

अनिलकुमार गायकवाड यांनी नुकतीच साम टीव्हीला दिलेल्या मुलाखतीत समृद्धी महामार्गाच्या मागचा प्रवास, अंमलबजावणीतील अडचणी, तसेच पुढील योजनांची माहिती दिली. यासोबतच मुंबईच्या वाहतूक कोंडीतून सुटका कशी मिळेल यासंबंधी देखील त्यांनी काही महत्त्वाचे उपाय मांडले.