मुंबईतील अंधेरी पश्चिमेतील कपासवाडी परिसरात दुधाच्या भेसळीचा धक्कादायक प्रकार उघडकीस आला आहे. स्वच्छतेचे कोणतेही नियम न पाळता दुधामध्ये घातक रसायनं आणि भेसळीचे पदार्थ मिसळून ते विक्रीसाठी तयार केलं जात असल्याचा गंभीर प्रकार समोर आला आहे.

या प्रकरणात नामांकित ब्रँडच्या पिशव्यांचा गैरवापर करून त्यामध्ये भेसळयुक्त दूध भरून नागरिकांची फसवणूक केली जात असल्याचं उघड झालं आहे. या दुधामुळे नागरिकांच्या आरोग्याला मोठा धोका निर्माण झाला असून, विशेषतः लहान मुलं, वृद्ध आणि आजारी व्यक्तींना गंभीर परिणाम होण्याची शक्यता व्यक्त केली जात आहे.

स्थानिक नागरिकांनी दिलेल्या तक्रारीनंतर हा प्रकार उघडकीस आला असून, परिसरात संतापाची लाट उसळली आहे. दूध भेसळ माफियांनी आरोग्याशी खेळ मांडल्याचा आरोप करत दोषींवर कठोर कारवाईची मागणी नागरिकांकडून केली जात आहे.