संजय गडदे | साम टीव्ही

मुंबईसह उपनगरांमध्ये काही वेळापासून मुसळधार पाऊस कोसळत आहे. त्यामुळं सखल भागांत पाणी साचलं आहे. उपनगरातील अंधेरी, गोरेगाव, जोगेश्वरी, कांदिवली- बोरिवली आदी परिसरांत मुसळधार पाऊस कोसळल्यामुळे ठिकठिकाणी रस्त्यांवर पाणी साचले आहे. अंधेरी पूर्व आणि पश्चिमेला जोडणारा अंधेरी सबवे देखील पाण्याखाली गेला आहे. तीन ते चार फुटांपर्यंत पाणी साचलं आहे. दिवसभरात दुसऱ्यांदा या सबवेमध्ये पाणी साचलं आहे. त्यामुळं सबवे नागरिकांना आणि वाहनांना ये-जा करण्यासाठी बंद करण्यात आला आहे.