अजित पवारांच्या राष्ट्रवादी मध्ये गेलेल्या काही आमदारांना शरद पवार यांच्या पक्षामध्ये प्रवेश मिळणार असल्याची मोठी बातमी शरद पवार यांनी साम टीव्ही ला दिली होती. सर्वच आमदारांना पक्ष प्रवेश बंदी नसणार आहे तर काही आमदारांसाठी पक्षाची दारं खुली आहेत असं शरद पवार म्हणाले होते. यावर अजित पवार गटाचे नेते अमोल मिटकरी यांची प्रतिक्रिया समोर आली आहे. अजित पवारांसोबतचं कुणीच शरद पवारांकडे जायला तयार नाही, त्यांनी आता नव्या उमेदवारांची चाचपणी सुरू केल्याचं मिटकरी म्हणाले. यादरम्यान, आमच्या आमदारांवर आमचं बारीक लक्ष असून कुणी पक्षशिस्त मोडायचा प्रयत्न केला तर पक्ष त्यांच्या विरोधात कारवाई करणार असल्याचंही मिटकरी म्हणाले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.