अमरावती शहरातील प्रभात टॉकीज परिसरात बॉम्ब असल्याच्या अफवेने रविवारी संध्याकाळी मोठी खळबळ उडाली. पोलिस कंट्रोल रूमवर एका अज्ञात इसमाने कॉल करून सरोज टॉकीज परिसरात बॉम्ब ठेवण्यात आल्याची माहिती दिली होती.

या कॉलनंतर घटनास्थळी तात्काळ बॉम्ब शोध पथक, श्वानपथक आणि वरिष्ठ पोलीस अधिकारी दाखल झाले. एसिपी व सिटी कोतवाली पोलीस निरीक्षकांच्या नेतृत्वाखाली परिसराची कसून तपासणी करण्यात आली. मात्र, तपासणीत कोणताही स्फोटक पदार्थ आढळून आला नाही.

दरम्यान, या घटनेनंतर सरोज टॉकीज परिसरात पोलिसांचा बंदोबस्त वाढवण्यात आला असून, नागरिकांनी अफवांवर विश्वास न ठेवण्याचे आवाहन पोलिसांकडून करण्यात आले आहे. पोलीस आता कॉल करणाऱ्या अज्ञात इसमाचा शोध घेत आहेत. याप्रकरणी अधिक तपास सुरू आहे.