मतदानाला जाण्यापूर्वी खासदार अमोल कोल्हे यांनी गोशाळेला भेट दिली. गोशाळेला भेट देऊन त्यांनी गोठ्यातल्या गाई आणि वासरांची पाहणी केली. बैलगाडा शर्यत सुरु करण्याचे आणखी एक कारण म्हणजे गोवसंवर्धन करता येईल असे अमोल कोल्हे म्हणाले. या गोशाळेत आल्यावर शांत वाटतं, हा नवीनच प्रकल्प आम्ही सुरू केला आहे. देशी गायींचे संवर्धन केले पाहिजे, हा संदेश आम्हाला द्यायचा होता, फक्त संदेश देण्याऐवजी काही कार्य केले पाहिजे त्यानिमित्ताने हा प्रकल्प सुरु केल्याचे कोल्हे यांनी सांगितले.