छत्रपती संभाजीनगर शहरात अतिक्रमण हटाव मोहिमेदरम्यान महापालिका पथकाला विरोध केल्याने एमआयएमच्या दहा नगरसेवकाचे नगरसेवक पद धोक्यात आले आहे. ज्या नगरसेवकांनी अतिक्रमण हटाव मोहिमेदरम्यान अतिक्रमण हटाव पथकाला विरोध केला, त्यांचं नगरसेवकपद रद्द करावं अशी शिफारस महानगरपालिका आयुक्त करणार आहेत. छत्रपती संभाजीनगर महापालिकेत आता आयुक्त विरुद्ध एमआयएम नगरसेवक असा नवा संघर्ष सुरू झालाय. शहरातील शहगंज भागात महानगरपालिकेकडून अतिक्रमण हटावची कारवाई सुरू असताना एमआयएमच्या नगरसेवकांनी हातगाड्या उचलण्याच्या कारवाईला विरोध करून अडथळा निर्माण केला होता. त्यावरून MIM च्या १० नगरसेवक आणि त्यांच्या ४ नातेवाइकांवर गुन्हा दाखल केला होता.

इतकंच नाही तर महापालिका अधिनियमानुसार या नगरसेवकांविरोधात मनपा अधिनियम १० नुसार सदस्यत्व रद्द करण्याची शिफारस करीत त्यांना नोटिस बजावणार असल्याचं आयुक्त जी. श्रीकांत यांनी सांगितलंय. तर आयुक्त हे सत्ताधारी शिवसेना आणि भाजपाची कटपुतली असल्याचा आरोप एमआयएम नगरसेवक आणि विरोधी पक्ष नेत्यांनी केलाय. त्यामुळे आता अपात्रतेची शिफारसवरून महानगरपालिके मध्ये वाढणार असं दिसतंय.