अमेरिकेची राजधानी वॉशिंग्टन डीसीमध्ये व्हाईट हाऊसजवळ गोळीबार झाल्याची घटना घडली आहे. या गोळीबारीच्या घटनेनंतर सुरक्षा यंत्रणांना सतर्कतेचा इशारा देण्यात आला आहे. हा गोळीबार रविवारी पहाटे व्हाईट हाऊसच्या अगदी समोर असलेल्या लाफायेट पार्कजवळ झाला. अधिकाऱ्यांनी सांगितले की, गोळीबारात कोणीही जखमी झाले नाही, परंतु गोळीबार करणारा अद्याप फरार असून त्याचा शोध सुरू आहे. व्हाईट हाऊसमधील कामकाज सामान्य आहे, परंतु सुरक्षा व्यवस्था कडक करण्यात आली आहे. पोलिसांनी अनेक ठिकाणी नाकाबंदी केली आहे. सिक्रेट सर्व्हिसने सांगितले की, त्यांचे पथक मेट्रोपॉलिटन पोलीस विभाग आणि यू.एस. पार्क पोलीस यांच्यासोबत संशयित आणि एका वाहनाचा शोध घेत आहे.