लोकसभेत मुस्लिम मतं मिळाल्यानंतर आता विधानसभेत थेट मुस्लिम चहरेच उतरवण्याच्या तयारी उद्धव ठाकरे यांची शिवसेना आहे. इलेक्टीव मेरिटनुसार अल्पसंख्यांक म्हणजेच मुस्लिम उमेदवार देणार असल्याचं विधान ठाकरे यांच्या शिवसेनेचे नेते अंबादास दानवे यांनी केलं आहे.

''हिंदुत्व म्हणजे मुसलमान नसणे असा अर्थ नाही. आम्ही हिंदुत्ववादी आहोत. मुस्लिम विरोधात आम्ही नाहीत. शिवसैनिक म्हणून, संघटना म्हणून जर कोणत्याही जातीचा किंवा धर्माचा असो फक्त त्याची विचारसरणी शिवसेनेची असेल तर त्याला संधी देऊ. मग तो अल्पसंख्यांक असो वा बहूसंख्यांक जे देशभक्त आहेत राष्ट्रभक्त आहेत समाजासाठी काम करणारे आहेत, त्यांना संधी दिली जाईल'', असं दानवे यांनी म्हंटल आहे.

दरम्यान, त्यांच्या विधानावर काँग्रेसच्या विजय वडेट्टीवार यांनी प्रतिक्रिया दिली आहे. '' जर शिवसेना मुस्लिम उमेदवार देत असेल तर यात काही चुकीचे नाही. शिवसेना लोकशाहीला आणि संविधानाला मानणारा पक्ष आहे.'' असं ते म्हणाले आहेत.