जम्मू काश्मीरमध्ये देशाच्या प्रति आपले कर्तव्य बजावत असताना सचिन यादवराव वनजे यांना वीरमरण आले. सचिन हे मूळचे नांदेड जिल्ह्यातील देगलूरच्या तमलूरचे रहिवाशी होते. श्रीनगर येथील तंगधार येथून त्यांची नियुक्ती असलेल्या पोस्टच्या ठिकाणी ते जात होते. त्यावेळी सैन्य दलाचे वाहन दरीत कोसळले. या अपघातात ते शाहिद झाले. आज त्यांच्या कुटुंबियांची उपमुख्यमंत्री अजित पवार यांनी नांदेड येथे जाऊन भेट सांत्वन केले. \

अजित पवार हे आज नांदेड जिल्ह्याच्या दौऱ्यावर आले होते. नांदेडच्या मुखेड तालुक्यातील चव्हाणवाडी येथे पक्षप्रवेश सोहळा झाल्यानंतर अजित पवार यांनी देगलूर येथे शहीद जवान सचिन वनजे यांच्या कुटुंबियांची भेट घेतली. सचिन वनजे हे जम्मू काश्मीर मध्ये दरीत लष्कराच वाहन कोसळून शहीद झाले.शहीद जवान सचिन वनजे यांच्या पत्नी आणि आई-वडिल यांची भेट घेऊन सांत्वन केले. तसेच राज्य शासनाकडून सर्वोत्तपरी मदत देण्याचे आश्वासन यावेळी उपमुख्यमंत्री अजित पवार यांनी दिले.