पुणे महानगरपालिका निवडणुकीसाठी राष्ट्रवादी काँग्रेस पक्ष आणि राष्ट्रवादी काँग्रेस शरदचंद्र पवार पक्ष यांच्यात सुरू असलेली जागावाटपाच्या चर्चा शुक्रवारी फिसकटली. स्थानिक नेत्यांकडून शरद पवारांच्या राष्ट्रवादीला मोजक्याच जागा देण्याचा प्रस्ताव पाठवण्यात आला होता. त्यामुळे ही युती फिसकली होती. पण आता दोन्ही राष्ट्रवादी एकत्र येण्यासाठीच अजित पवार मैदानात उतरले आहेत. आज सकाळी त्यांनी अमोल कोल्हे यांच्यासोबत चर्चा केली होती.

दोन्ही राष्ट्रवादी एकत्र येण्याबाबत अजित पवारांनी स्वतः सूत्र हातात घेतली आहेत. अजित पवार स्वतः वरिष्ठ नेत्यांसोबत चर्चा करत आहेत. अमोल कोल्हेसोबत चर्चेनंतर पुण्यातील प्रमुख राष्ट्रवादीच्या नेत्यांची बैठक अजित पवारांनी रद्द केली. पुणे, पिंपरी- चिंचवडमध्ये दोन्ही राष्ट्रवादी एकत्रबाबत अमोल कोल्हेशी चर्चा केल्यानंतर पुण्यातील स्थनिक नेत्यांनी चर्चा थांबवली. चतेन तुपे, सुनील टिंगरे, सुभाष जगताप यांच्यासोबत अकरा वाजता होणारी बैठक अजित पवारांनी रद्द केली.