बारामतीमध्ये आज सनई चौघाड्यांचा सुर घुमत आहे. राष्ट्रवादी शरद पवार गटाचे नेते युगेंद्र पवार आज विवाहबंधनात अडकले आहे. या निमित्ताने सगळे पवार कुटुंबीय एकत्र आले आहेत. मात्र पुतण्याच्या लग्नात उपमुख्यमंत्री अजित पवार हे गैरहजर आहे. पवार घराण्यात आज मोठा सोहळा असूनही अजित पवार हे स्थानिक स्वराज्य संस्थांच्या निवडणुकीच्या प्रचारात दंग आहे. उपमुख्यमंत्री अजित पवार यांनी आज पुतण्या युगेंद्र पवार यांच्या लग्नाला उपस्थित न राहता दौंडमध्ये प्रचाराला पसंती दिली आहे. यावेळी बोलताना त्यांनी आधी लगीन कोंडाण्याचं मग रायबाचं या ऐतिहासिक वाक्याचा दाखला दिला. माझ्याही घरात आज लग्न आहे, पण मी प्रचारात आहे असं सांगत त्यांनी कार्यकर्त्यांना कामाला लागण्याचे आदेश दिले. यावेळी त्यांनी स्वप्नील नावाच्या कार्यकर्त्याचा किस्साही सांगितला .