भरत मोहळकर, साम टीव्ही

महायुतीला स्पष्ट बहुमत मिळाल्यानंतर मुख्यमंत्रिपदावरून सुरु असलेली रस्सीखेच अखेर मिटली आणि देवेंद्र फडणवीस यांची मुख्यमंत्रिपदी निवड करण्यात आली. मात्र भाजप गृहखातं सोडण्यास तयार नसल्याने शिंदेंनी अजित पवारांकडे असलेल्या अर्थ आणि भाजपकडे असलेल्या महसुल खात्याची डिमांड केल्याची माहिती समोर आलीय...त्यामुळेच अजित पवारांनी अमित शाहांच्या भेटीसाठी दिल्लीत तळ ठोकला होता. मात्र दिल्लीत अमित शाहांची भेट न झाल्याने अजित पवारांना रिकाम्या हाताने माघारी परतावं लागलं....मात्र अजित पवारांच्या भाजपकडे कोणत्या मागण्या आहेत? पाहूयात....

दादांची भाजपकडे डिमांड काय?

आपल्याकडील अर्थ खाते कायम ठेवण्याची मागणी

शिंदे गटाइतकीच मंत्रिपदं राष्ट्रवादीला देण्याची मागणी

आपल्या पक्षाला महत्वाची खाती मिळावीत, यासाठी दादांचा आग्रह

शिंदे गटापेक्षा आपला स्ट्राईक रेट चांगला असल्याने खातेवाटपात झुकतं माप देण्याची मागणी

राजभवनवर सत्ता स्थापनेचा दावा केल्यानंतर झालेल्या पत्रकार परिषदेत अजित पवारांनी अमित शाहांच्या भेटीसाठी गेल्याचं वृत्त फेटाळलंय...

अमित शाहांसोबत बैठक न झाल्याने अजित पवारांच्या मागण्या शिंदे आणि फडणवीस मान्य करणार का? याकडे लक्ष लागलंय.