बुधवारी सकाळी महाराष्ट्रातील जनतेसाठी एक वाईट बातमी समोर आली. राज्याचे उपमुख्यमंत्री अजित पवार यांच्या विमानाचा अपघात झाल्याची बातमी आली. यावेळी अपघातात अजित पवार यांचं निधन झालं. अजित पवार यांच्या अचानक जाण्याने संपूर्ण महाराष्ट्रावर दुःखाचा डोंगर कोसळलाय. दरम्यान अजित पवार यांच्या पार्थिवावर उद्या अंत्यसंस्कार होणार असल्याची माहिती आहे.

तर अजित पवार यांचे भाऊ राजेंद्र पवार यांनी अजित दादांच्या पार्थिवावर उद्या अंत्यसंस्कार होणार असल्याची माहिती दिलीये. राजेंद्र पवार यांनी सांगितलं की, अजित पवार यांचे पार्थिव विद्या प्रतिष्ठानला ठेवणार आहे. संध्याकाळी ४ वाजता पार्थिव ठेवलं गेलंय. तर उद्या सकाळी ११ वाजता अंत्यसंस्कार होणार आहे. बारामतीतील विद्या प्रतिष्ठानच्या मैदानात अंत्यसंस्कार केले जाणार आहेत. यासाठी पंतप्रधान नरेंद्र मोदी आणि गृहमंत्री अमित शहा हे देखील उपस्थित राहणार आहेत.

रात्री उशिरापर्यंत नागरिकांना पार्थिवाचं दर्शन घेता येणार आहे. उद्या सकाळी गदिमा सभागृहापासून अंत्ययात्रेला सुरुवात होणार आहे. यावेळी पार्थिव गदिमा चौक, विद्यानगरी चौक पुढे विद्याप्रतिष्ठानचा आतील रस्त्याने मैदानावर नेण्यात येणार आहे.