अजित पवारांनी एक कुटुंब उद्ध्वस्त होण्यापासून वाचवलंय. अजितदादांचा मोठेपणा पुन्हा एकदा सर्वांसमोर आला आहे. बीडमधून छोट्याशा गावातून मुलाच्या शिक्षणासाठी मदतीच्या अपेक्षेनं मुंबईत आलेल्या दाम्पत्याला दादांनी मदत केली आहे. रोजंदारीवर काम करणाऱ्या राजकंवर दाम्पत्याने आपल्या मुलाने डॉक्टर व्हावं, असं स्वप्न पाहिलं.पण, पैसा कमी पडत असल्याने कर्जासाठी अर्ज केला.मात्र, कर्जही मिळत नसल्याने मुंबईची वाट धरली.यावेळी अजित पवारांकडे आपली व्यथा मांडून दाखवल्यानंतर अजित पवारांनी लगेच कॉलेजला फोन लावून मी फी भरतो असं सांगितलं.त्यानंतर राजकंवर दाम्पत्याच्या जीवात जीव आला.यावेळी त्यांनी आनंद व्यक्त केला. अजितदादांनी या मुलाच्या शिक्षणाचा खर्च उचलून खूप मोठी मदत केली आहे. त्यांनी संपूर्ण कुटुंबाची मदत केली आहे.