महाराष्ट्राचे उपमुख्यमंत्री अजित पवार यांचं आज सकाळी निधन झालं आहे. विमान अपघातात अजित पवार यांचा मृत्यू झाला आहे. या अपघातावेळी त्यांच्यासोबत ५ जण होते. त्यांचाही या अपघातात मृत्यू झाल्याची माहिती आहे. दरम्यान या घटनेनंतर महाराष्ट्रावर दुःखाचा डोंगर कोसळला आहे. अजित पवार यांच्या निधनानंतर अनेक दिग्गज नेत्यांनी शोक व्यक्त केला आहे.

राष्ट्रीय काँग्रेस अजित पवार गटाच्या आमदार सरोज अहिरे यांना अश्रू अनावर झालेत. अजित पवार यांच्या निधनानंतर सरोज अहिरे या म्हणाल्या की, माझा खूप मोठा आधार आज हरपलाय. १९९० मध्ये माझे वडील गेले तर आज माझा राजकीय गॉडफादर गेलाय. संपूर्ण महाराष्ट्रावर आणि पवार कुटुंबियांवर खूप मोठं संकट ओढावलंय. मतदार संघाचा विकास फक्त दादांमुळे करू शकले असल्याचंही, सरोज यांनी म्हटलंय.