मुंबई नागपूर दरम्यानच्या समृद्धी महामार्गाच्या इगतपुरी ते आमणे या 76 किमी लांबीच्या शेवटच्या टप्प्याचे लोकार्पण आज मुख्यमंत्री देवेंद्र फडणवीस आणि दोन्ही उपमुख्यमंत्र्यांचे हस्ते पार पडले. उद्घाटनानंतर मुख्यमंत्री आणि दोन्ही उपमुख्यमंत्र्यांनी एकाच गाडीतून समृद्धी महामार्गावरून प्रवास ही केला. मात्र त्यानंतर अजित पवारांच्या भाषणवेळी एक लक्षवेधी घटना घडली. अजित पवारांनी देवेंद्र फडणवीस यांच्यासमोरच एकनाथ शिंदे यांचा मुख्यमंत्री म्हणून उल्लेख केला. मात्र अजित पवारांच्या ही चूक लक्षात येताच त्यांनी ती लगेच सुधारली. अजित पवारांनी एकनाथ शिंदे यांचा मुख्यमंत्री असा उल्लेख केल्यानंतर तिथे एकच हशा पिकला.