मुंबई : महायुतीच्या नेत्यांनी राज्यपाल सी पी राधाकृष्णन यांच्याकडे सत्तेस्थापनाचा दावा केला आहे. महायुतीच्या सरकारमध्ये एकनाथ शिंदे सामील होणार का, याबाबत सस्पेन्स कायम आहे. एकनाथ शिंदे सत्तेत सामील होणार का, यावर थेट अजित पवारांनी उत्तर दिलं. अजित पवारांच्या पत्रकार परिषदेत एकच हशा पिकला.

सतेत्त सामील होणार का, यावर एकनाथ शिंदे म्हणाले, 'देवेंद्र फडणवीस यांनी सांगितलं. मी देखील सांगितलं. थोडी वाट पाहा. माझी भूमिका संध्याकाळपर्यंत स्पष्ट करेल'. त्यानंतर अजित पवार म्हणाले,'तुम्ही सर्वांनी संध्याकाळपर्यंत थांबा. त्यांची भूमिका ते स्पष्ट करतील. मी मात्र शपथ घेणार आहे. मी थांबणारा नाही'.

'अजितदादांना अनुभव आहे. त्यांना सकाळी आणि संध्याकाळी देखील शपथ घेण्याचा अनुभव आहे, अजित पवारांनंतर एकनाथ शिंदेंनी दिलेल्या उत्तरानेही पत्रकार परिषदेत एकच हशा पिकल्याचं पाहायला मिळाला. एकनाथ शिंदे यांच्या उत्तराने त्यांचा सरकारमध्ये सामील होण्याचा सस्पेन्स कायम आहे.