एअर इंडियाची पुणे-सिंगापूर विमानसेवा १५ जुलैपर्यंत स्थगित करण्यात आली आहे. अहमदाबाद येथे घडलेल्या विमान अपघातानंतर नागरी उड्डाण महासंचालनालयाने (DGCA) प्रवासी सुरक्षेच्या दृष्टीने कठोर उपाययोजना सुरू केल्या आहेत.

याच पार्श्वभूमीवर एअर इंडियाच्या ताफ्यातील बोइंग विमानांची तसेच इतर काही विमानांची सखोल तपासणी केली जाणार आहे. या तपासणीदरम्यान कोणतीही जोखीम न घेता पुणे-सिंगापूर ही सेवा थांबवण्यात आली आहे.

या निर्णयाचा थेट परिणाम प्रवाशांवर होणार असून, आधीच तिकीट बुक केलेल्या प्रवाशांना पर्यायी सेवा मिळवण्यासाठी अडचणींचा सामना करावा लागू शकतो. एअर इंडियाकडून प्रवाशांना वेळेत सूचना दिल्या जात असून तपासणी पूर्ण झाल्यानंतर सेवा पूर्ववत करण्यात येणार असल्याचे सांगण्यात आले आहे.