अहमदाबादमध्ये एअर इंडिया विमानाचा भीषण अपघात झाला. या घटनेत २०० हून अधिक जणांचा मृत्यू झाला. या अपघाताची घटना ताजी असताना एअर इंडिया विमानाचे आणखी एक वृत्त समोर आलं आहे. एअर इंडियाच्या विमानांच्या बातम्या सतत एकामागे एक ऐकायला येत आहेत. काही अपघाताच्या बातम्या आहेत, तर बोइंगबद्दल तक्रारी देखील समोर येत आहेत. आता एअर इंडियाची बातमी थेट थायलंडमधून आली आहे.

थायलंडमध्ये एअर इंडियाच्या विमानाचं इमर्जन्सी लँडिंग करण्यात आलं आहे. विमानात बॉम्ब असल्याची धमकी मिळाली. त्यानंतर फुकेतवरुन दिल्लीला येणाऱ्या विमानाचं इमर्जन्सी लँडिंग करावं लागलं आहे. सुदैवाने विमानातील सर्व प्रवासी सुरक्षित आहेत. विमानाच्या लँडिंगनंतर सुरक्षा यंत्रणांकडून विमानाची कसून तपासणी करण्यात आली आहे, अशी माहिती सुत्रांकडून देण्यात आली आहे.