अहमदाबाद येथील मेघानी नगर या रहिवासी ठिकाणी आज दुपारच्या सुमारास एअर इंडियाच्या विमानाचा अपघात झाला. सरदार वल्लभभाई पटेल आंतरराष्ट्रीय विमानतळाजवळ ही घटना घडली. अपघातानंतर विमानाचे संपूर्ण तुकडे झाले. यामध्ये 242 जणांचा मृत्यू झाल्याची माहिती समोर आली होती. मात्र आता मोठी माहिती समोर आली आहे. या अपघातात एक प्रवासी बचावला आहे. रमेश विश्वकुमार असे या व्यक्तीचे नाव आहे. पोलिस आयुक्त जीएस मलीक यांनी ही माहिती दिली. या प्रवाशावर मेडिकल कॉलेजमध्ये उपचार सुरू असून त्याची प्रकृती ही चिंताजनक आहे.